VIDA DO AUTOR

XOSÉ MARÍA ÁLVAREZ BLÁZQUEZ NACEU EN TUI O 4 DE FEBREIRO DE 1915, FILLO DO MÉDICO PONTEVEDRÉS DARÍO ÁLVAREZ LIMESES E DE MARÍA BLÁZQUEZ BALLESTER. SEU AVÓ PATERNO FOI O PRIMEIRO ESCRITOR EN LINGUA GALEGA DA FAMILIA.

EN 1931 EMPEZA ESTUDOS DE MAXISTERIO. EN 1933 INGRESA NAS MOCEDADES DO PARTIDO GALERISTA. EN 1936 O POBO REPUBLICANO DE TUI RESISTE A REBELIÓN MILITAR; NA CABEZA DA RESISTENCIA ESTÁ O DOUTOR DARÍO ÁLVAREZ LIMESES, QUE SERÁ FUSILADO.

EN 1945 EMPEZA A TRABALLAR COMO SECRETARIO NA CONFRARÍA DE PESCADORES DE VIGO E, QUEDA FINALISTA NO I PREMIO NADAL DE NOVELA CON EN EL PUEBLO HAY CARAS NUEVAS.

A FINAIS DE 1946 CASA CON MARÍA LUÍSA CÁCCAMO FREIBEN, COA QUE TERÍA SEIS FILLOS: MARÍA LUÍSA, CHAMADA COLORÍN, QUE MORRERÍA MOCIÑA; XOSÉ MARÍA, O GRAN POETA; ALFONSO, POETA TAMÉN, E SOBRE TODO FECUNDO E HÁBIL NARRADOR; HELENA, ACTRIZ DE TEATRO INDEPENDENTE NA SÚA PRIMEIRA MOCIDADE; CELSO, FILÓLOGO E POETA; E BERTA, A MAGNÍFICA PINTORA.

EN 1948 FUNDA, CON VIÑAS CORTEGOSO, A LIBRARÍA ANTICUARIA MONTERREY. EN 1949 É NOMEADO MEMBRO CORRESPONDENTE DA REAL ACADEMIA GALEGA. Ó ANO SEGUINTE FUNDA, TAMÉN CON VIÑAS CORTEGOSO, A EDITORIAL MONTERREY, E PUBLICA NELA O BELÍSIMO LIBRO DE POEMAS ROSEIRA DO TEU MENCER, DEDICADO Á SÚA FILLA COLORÍN.

EN 1953 EMPEZA A COLABORAR NA RADIO, ACTIVIDADE NA QUE SEGUIU ATA CASE A FIN DA SÚA VIDA EN DIVERSOS PROGRAMAS. EN 1954 PUBLICA O FERMOSO ROMANCE DO PESCADOR PELERINO, E OBTÉN O PREMIO PONDAL DO CENTRO GALEGO DE BOS AIRES POLO LIBRO DE POEMAS CANLE SEGREDO.

GAÑA DIVERSOS PREMIOS LITERARIOS: O GALDÓS E O LÓPEZ CUEVILLAS DE NOVELA, O DA ASOCIACIÓN DA PRENSA DE VIGO POR UN TRABALLO SOBRE MARTÍN CODAX, O RAMÓN MOURENTE POR OUTRO SOBRE FRANCISCO AÑÓN, TRES PREMIOS DUN GOLPE NOS JOGOS FLORAIS MINHO-GALAICOS DE GUIMARÃES...

EN 1964 INGRESA NA ACADEMIA GALEGA. NESTE ANO FUNDA TAMÉN CON SEUS IRMÁNS AS EDICIÓNS CASTRELOS. EN 1979 XOSÉ MARÍA VÉNDELLE OS FONDOS DE EDICIÓNS CASTRELOS A GALAXIA.

GUSTÁBALLE MOITO CONVERSAR: FALABA MOI BEN, E TIÑA UN LUÍDO SENTIDO DO HUMOR. ERA MOI CORDIAL E XENEROSO DO SEU TEMPO COA XENTE NOVA QUE ACUDÍA A EL ATRAÍDA POLO SEU SABER E O SEU GALEGUISMO. AMABA SOBRE TODAS AS COUSAS A SÚA MULLER, OS SEUS FILLOS E OS SEUS IRMÁNS E, TIVO ALGUNHAS AMIZADES ESPECIALMENTE FONDAS, COMA AS DE CELSO EMILIO FERREIRO OU PEDRO DÍAZ.

O 2 DE MARZO DE 1985 MORRE EN VIGO, POR CULPA DA AFECCIÓN CARDÍACA QUE PADECÍA DESDE HABÍA ANOS.