John Maynard Keynes (1883-1946). As súas teorías naceron no momento en que E.U. e Europa atopábanse baixo o impacto da crise do 1929. Entón xurde a revolución Keynesiana como solución a esta crise xa que os neoclásicos non tiñan resposta ou unha solución inmediata ao problema que se presentou. Un aspecto importante da crise, é que o capitalismo ten períodos de ciclos económicos, onde se resalta que despois de ter un auxe, ven unha contracción, sendo unha etapa do ciclo. O propósito central das teorías keynesianas foi crear un modelo macroeconómico que explicase unha economía monetaria moderna. Keynes non estaba de acordo en que a redución de salarios aumente a facilidade para obter emprego. Keynes dentro da súa teoría propón o aumento no gasto público porque isto se traduce na xeración de empregos, ademais resalta a importancia da intervención do Estado. Este modelo é chamado o Estado de benestar.
A ECONOMÍA EN GALIZA NA 2ª METADE DO SÉCULO XX
O final da autarquía e a expansión dos
sesenta, 1959-1973
Coa aplicación do Plan de estabilización, o réxime
franquista modificou en parte a súa política autárquica ou de autosuficiencia, polo
que mellorou a economía española e galega nos anos 60, que tivo unha grande
capacidade de aproveitamento das condicións favorables do mercado exterior,
antes desaproveitadas polas limitacións que impuxeron a política de a rixidez intervencionista
no anos 40 e 50. Este aproveitamento tradúxose nunha forte expansión entre 1960
e 1974.
A década dos 60 caracterizouse en Galiza pola desagrarización, a urbanización e a asalarización.
Dun lado, polo crecemento da economía e, do outro, polo
gran cambio estrutural operado. Resultaron transformacións semellantes ás
acontecidas no conxunto de España, pero aquí presentaron ritmos e escalas diferentes.
As mudanzas relacionadas co crecemento mantiveron tan so unha importancia
relativa na medida en que únicamente permitiron recuperar o terreo perdido tras
a guerra civil. Os cambios estructurais máis significativos afectaron ao tamaño
do sector primario.
Segundo Carmona, os galegos deixaron de traballar na agricultura para ocuparse na industria e nos servizos (desagrarización). Ao tempo, renunciaron á aldea para vivir e traballar na cidade ou na vila (urbanización) e, por último, abandonaron o traballo por conta propia e pasaron a depender dun traballo para outros (asalarización).
Labregos facendo a sega |
Factoría de Astano en Fene |
Así foi que pasamos dun sector primario que daba ocupación ao 65,3% de la poboación activa en 1930 a un 18,6% no 1999. Se excluímos a pesca, que se mantivo constante nun 4%, podemos concluír que Galiza deixou de ser un país agrario.
A crise do petróleo e a inserción de Galiza na economía globalizada, 1974-2000
A crise do petróleo e a inserción de Galiza na economía globalizada, 1974-2000
A recesión dos setenta e primeiros oitenta resultou
especialmente grave para Galiza. Isto non derivou tanto da incidencia dos
prezos enerxéticos e das materias primas —a comunidade mantiña unha baixa
dependencia enerxética e dispoñía en gran medida de materias primas propias—,
como da caída da demanda de emprego en Europa e a fin da emigración. A isto hai
que engadirlle a expulsión da flota de altura nos caladeiros tradicionais —ampliación
progresiva en todos los países das augas territoriais— e a ruina do sector da construción
naval exportadora, actividades fundamentais e cuxas debilidades se manifestaron
nos 70 e primeiros 80.
A acelerar e ampliar os efectos anteriores contribuiu a
entrada de España, a mediados dos 80, na Comunidade económica europea, cun
impacto especial sobre os sectores máis tradicionais e maduros, pero tamén
sobre os máis diversificados e modernos. Entre os primeiros, situábanse os astaleiros
e a agroindustria, traballosamente desenvoltos nos sesenta.
Os astaleiros civís, absorbidos durante a crise dos setenta polo Estado, foron obrigados a deixar de construír navíos convencionais e o protocolo que asinou España coa CEE únicamente prevía a construción de plataformas mariñas e estruturas similares.
Isto supuxo a perda de milleiros de postos de traballo directos e indirectos.
Polo que respecta a agroindustria, a produción láctea foi sometida ao sistema europeo de cotas, que en lugar de servir para estimular ao sector con vistas a unha maior competitividade, evitou a competencia co leite francés hexemónico.
Houbo empresas galegas que se adaptaron mellor
ás regras de xogo da globalización. Empresas como as que conforman o grupo
INDITEX, con sede en Arteixo e que integraba vertical e horizontalmente a 263
sociedades en 74 países a finais do 2009, cunha cifra de negocio que superaba os
11 mil millóns de euros.
Outros exemplos son o grupo GADISA, a cooperativa COREN ou os grupos configurados arredor das multinacionais Pescanova e Zeltia.
Folga dos traballadores de ASTANO |
Os astaleiros civís, absorbidos durante a crise dos setenta polo Estado, foron obrigados a deixar de construír navíos convencionais e o protocolo que asinou España coa CEE únicamente prevía a construción de plataformas mariñas e estruturas similares.
Isto supuxo a perda de milleiros de postos de traballo directos e indirectos.
Manifestación en defensa do agro |
Polo que respecta a agroindustria, a produción láctea foi sometida ao sistema europeo de cotas, que en lugar de servir para estimular ao sector con vistas a unha maior competitividade, evitou a competencia co leite francés hexemónico.
Tenda de Zara |
Supermercado de Gadisa |
Outros exemplos son o grupo GADISA, a cooperativa COREN ou os grupos configurados arredor das multinacionais Pescanova e Zeltia.
No hay comentarios:
Publicar un comentario